पदमशालमा गुरु रिन्पोछेको जन्मजयन्ती आयोजना

काठमाण्डौं । पदमशाल स्थित गुम्बामा गुरु रिन्पोछे “पद्मसम्भव” को जन्मजयन्ती भव्य रुपमा मनाइएको छ । काठमाण्डौंको तारकेश्वर नगरपालिका स्थित पदमशालको गुम्बामा स्थानीय तामाङ समुदायले गुरु रिन्पोछेको जन्मजयन्ती मनाएका हुन् । गुरु रिन्पोछेको जन्मजयन्तीको अवसरमा लामाहरुले पुजा पाठ गर्नुका साथै केक काटेर प्रसाद वितरण गरिएको थियो । सो अवसरमा लामा गुरुद्वारा गुरु रिन्पोछेको जीवनी र मानव जाति र बुद्ध धर्ममा उनले पुर्याएको योगदानको बिषयमा पनि चर्चा गरिएको थियो । गुरु रिन्पोछे “पद्मसम्भव” को आज कै तिथि अर्थात श्रावण महिनाको दशमीमा जन्मजयन्ती पर्ने भएकाले प्रत्येक बर्ष यसै दिन बिश्वभर बिभिन्न गुम्बाहरुमा लामाहरु र उनका अनुयायीहरुले पुजा पाठ गर्दे जन्मजयन्ती मनाउने गर्दछन्।