तामाङको स्मृतिमा छ्योर्तेन निर्माण कार्य जारी

ककनी । ककनीका समाजसेवी एवम राजनीतिज्ञ स्वर्गीय नेत्र बहादुर तामाङको स्मृतिमा नेत्र स्मृति प्रतिष्ठानको पहलमा छ्योर्तेन निर्माण कार्य तीब्र रुपमा भईरहेको छ । नेत्र स्मृति प्रतिष्ठानका संयोजक राजु लामाले प्रतिष्ठानका तर्फबाट सो जानकारी गराएका हुन् । प्रतिष्ठानले धन्यवाद ज्ञापन गर्दे भनेको छ, “नेत्र स्मृति प्रतिष्ठानको पहलमा हाम्रो पूजनीय पिता स्वर्गीय नेत्र बहादुर तामाङको स्मृतिमा आज कार्तिक २६ गते आइतबार छ्योर्तेन निर्माण कार्य तीब्र रुपमा गरिएको छ । छ्योर्तेन निर्माणमा अहोरात्र खटिनु हुने प्रेम जिम्बा, कृष्ण कुमार लामा, रत्न लामा, कबिन्द्र लामा, कमला लामा, ओबिन्द्र लामा, सन्तोष लामा, शंकर लामा लगायत  सम्पूर्ण इष्टमित्रहरु प्रति प्रतिष्ठान हार्दिक आभार एवम कृतज्ञता ब्यक्त गर्दछ ।” नेत्र स्मृति प्रतिष्ठानले छ्योर्तेन निर्माण गर्ने कार्य स्वर्गीय नेत्र बहादुर तामाङको ४९ को घेवा अगावै अर्थात मंसिर २३ भित्रै सम्पन्न गर्ने तयारी गरेको छ । छ्योर्तेनमा बौद्ध धर्म र संस्कार बमोजिम मंसिर २६ गते र्ह्वप्ने गर्ने प्रतिष्ठानका सदस्य एवम तामाङका ठाईला छोरा ओबिन्द्र लामाले जानकारी दिएका छन् ।